Erlent

Trump hefur ekki rætt við FBI um hlerunar­á­sakanir sínar

Birgir Olgeirsson skrifar
Trump hefur ekki fært fram nein sönnunargögn máli sínu til stuðnings.
Trump hefur ekki fært fram nein sönnunargögn máli sínu til stuðnings. Vísir/EPA
Donald Trump, forseti Bandaríkjanna, hefur ekki rætt við bandarísku alríkislögregluna, FBI, um fullyrðingar sínar þess efnis að forveri hans í starfi, Barack Obama, hefði látið hlera síma hans.

Greint er frá þessu á vef fréttastofu breska ríkisútvarpsins BBC en síðastliðinn laugardag sakaði Trump Obama um að hafa fyrirskipað hlerarnir á Trump-turninum í New York á meðan kosningabaráttan stóð sem hæst í fyrra. Trump hefur ekki fært nein sönnunargögn máli sínu til stuðnings.

Stjórnandi FBI, Jame Comey, er sagður hafa hafnað þessari ásökun Trump.

Talsmaður Hvíta hússins, Sean Spicer, sagði í dag að Donald Trump hafi ekki rætt málið við Comey.

Spicer sagði að það væri skynsamlegast í stöðunni að láta bandaríska þingið rannsaka þessar ásakanir.

Comey hefur farið fram á að bandaríska dómsmálaráðuneytið hreki þessa fullyrðingu forsetans.




Fleiri fréttir

Sjá meira


×