Leikjavísir

Shadow of War bætir hið frábæra Nemesis-kerfi

Samúel Karl Ólason skrifar
Í Shadow of War vinna þeir Talion og Celebrimbor að því að mynda annan her til þess að sigra Sauron, áður en hann getur herjað á allan Miðgarð.
Í Shadow of War vinna þeir Talion og Celebrimbor að því að mynda annan her til þess að sigra Sauron, áður en hann getur herjað á allan Miðgarð. Monolith Productions

Monolith Productions birtu í dag 16 mínútna myndband úr leiknum Shadow of War, framhaldi Shadow of Mordor, sem kemur út í ágúst. Þar má sjá hvernig Nemesis-kerfi leiksins hefur verið betrumbætt til muna en leikurinn virkar við fyrstu sín vera alveg einstaklega gagnvirkur.

Það er líka dreki í myndbandinu, sem hægt er að hoppa á bakið á og nota til að brenna orka í tugatali.

Það sem Nemesis-kerfið gerir er að skapa einstaka sögu í hverri spilun með því að spila með metorðastiga orka og skapa nýja svokallaða kafteina að handahófi. Kerfið bíður upp á hinar skemmtilegustu uppákomur og samræður við orka. Það gefur spilurum virkilega þá tilfinningu að þeir séu virkir þátttakendur í söguheiminum.

Myndbandið er þó uppstillt að einhverju leyti og er því ætlað að sýna fram á hvað Nemesis-kerfið býður upp á.

Í Shadow of War vinna þeir Talion og Celebrimbor að því að mynda annan her til þess að sigra Sauron, áður en hann getur herjað á allan Miðgarð. Shadow of Mordor gekk einmitt út á það sama, en hér virðist sem að eitthvað sé hægt að gera við herinn. Sem var ekki hægt í Shadow of Mordor.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira