Handbolti

Snorri Steinn markahæstur í Íslendingaslag

Ingvi Þór Sæmundsson skrifar
Snorri Steinn skoraði sex mörk.
Snorri Steinn skoraði sex mörk. vísir/getty

Nimes vann sex marka sigur á Cesson-Rennes, 30-24, í Íslendingaslag í frönsku úrvalsdeildinni í handbolta í kvöld.

Þetta var mikilvægur sigur hjá Nimes sem var búið að tapa fjórum leikjum í röð fyrir leikinn í kvöld. Nimes er í 7. sæti deildarinnar.

Snorri Steinn Guðjónsson var markahæstur í liði Nimes með sex mörk. Fjögur þeirra komu af vítalínunni. Ásgeir Örn Hallgrímsson átti einnig góðan leik og skoraði fimm mörk.

Geir Guðmundsson skoraði þrjú mörk fyrir Cesson-Rennes sem er í 12. sæti deildarinnar. Guðmundur Hólmar Helgason lék ekki með liðinu vegna meiðsla.

Ólafur Guðmundsson skoraði fjögur mörk og Gunnar Steinn Jónsson tvö þegar Kristianstad vann öruggan sigur á Hammarby, 21-29, í sænsku úrvalsdeildinni. Arnar Freyr Arnarsson komst ekki á blað.

Kristianstad er í 5. sæti deildarinnar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira