Veiði

Nýr leigutaki að Skjálfandafljóti

Karl Lúðvíksson skrifar
Stefán Sigurðsspn fer fyrir Iceland Outfitters sem voru að taka Skjálfandafljót á leigu.
Stefán Sigurðsspn fer fyrir Iceland Outfitters sem voru að taka Skjálfandafljót á leigu.

Skjálfandafljót er eitt af betri geymdum leyndarmálum laxveiðanna á Íslandi en í gegnum tíðina hefur hópur góðra manna á norðurlandi leigt ánna til eigin nota og lítið sem ekkert af veiðileyfum farið í almenna sölu, enda frábær laxveiði sem fáir hafa viljað gefa frá sér.

Skjálfandafljót er Jökulá og minnir liturinn á vatninu og umgjörðin mikið Blöndu. Töluvert hátt hlutfall aflans er stórlax rétt eins og í Blöndu og stór og gróf náttura gerir þessa perlu alveg einstaka. Það eru aðeins 6 stangir sem veiða Skjálfandafljót en veiðisvæðið er stórt og mikið og með meðalveiði uppá 600 laxa.

Nú á dögunum undirituðu hjónakornin Stefán Sigurðsson og Harpa Hlín Þórðardóttir kennd við Iceland Outfitters leigusamning til 3 ára. Leigusamningurinn er fremur óhefðbundinn því tveir aðilar skipta með sér leiguréttinum. Iceland Outfitters mun selja leyfi á opnum markaði en einkaaðilar munu nota sinn hluta sjálfir.  "Okkur finnst frábært tækifæri að komast inn í Skjálfandafljót en þar veiddi ég mínu fyrstu og bestu laxa.   Þetta verður gaman." segir Stefán.  Áhugasömum veiðimönnum er bent að að hafa samband við Stefán, stefan@icelandoutfitters.com eða kíkja á vefsöluna www.ioveidileyfi.is



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira