Viðskipti erlent

Vara við alþjóðlegum „þorskastríðum“ vegna loftslagsbreytinga og þjóðernisstefnu

Tryggvi Páll Tryggvason skrifar
Togari að veiðum.
Togari að veiðum. Vísir/AFP

Loftslagsbreytingar og auknar vinsældir þjóðernisstefnu víða um heim gæti orðið til þess að átök um yfirráð yfir fiskistofnum, líkt og þorskastríðin milli Íslands og Bretlands á síðustu öld, brjótist út.

Þetta kom fram í máli sérfræðinga á ráðstefnu vísindamanna í Boston í liðinni viku. Vöruðu þeir við því að afleiðingarnar af slíkum átökum gætu orðið geigvænlegar.

Ljóst er að fiskitegundir hafa í auknum mæli fært sig um set vegna hækkandi sjávarhita og telja sérfræðingarnir að slík þróun geti ógnað lífsviðurværi og aðgengi sumra ríkja að fæðu.

Vöruðu þeir einnig við að með risi þjóðernisstefnu í heiminum gætu ríki í auknum mæli farið að berjast um aflann. Tók Michael Harte, prófessor við Oregon-háskóla til máls á ráðstefnunni. Sagði hann að ríki heims hefði öll tæki og tól til þess að bregðast við þessum mögulega vanda en takist það ekki myndi það hafa slæmar afleiðingar.

„Ef við gerum þetta ekki rétt, gætum við séð þorskastríðin snúa aftur, við gætum séð ofveiði og fiskistofna hrynja,“ sagði Harte í samtali við Independent.

Varaði hann við því að ris þjóðernisstefnu gæti komið í veg fyrir það að ríki heims kæmu saman til þessa að vernda fiskistofna heimsins og veiða þá á ábyrgan hátt.

„Ef við lítum á hvort að Ísland og Bretland snúi aftur til daga þorskastríðanna þá er kannski ekki von á því í augnablikinu,“ sagði Harte. „En það gæti gerst í öðrum hlutum heimsins þar sem samskiptin eru ekki jafn vinaleg.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
LEQ
2,72
2
50.132
GRND
2,6
18
572.518
ORIGO
2,46
4
220.664
HAGA
2,45
19
460.648
SIMINN
1,18
11
407.330

Mesta lækkun dagsins


Félag
Br.%
Fjöldi
Velta*
REGINN
-0,57
7
82.981
SKEL
-0,42
8
93.288
EIK
-0,38
11
291.320
EIM
0
4
24.252