Innlent

Tvö hundruð manns í fjöldahjálparstöðinni í Klébergsskóla

Sunna Karen Sigurþórsdóttir skrifar
Frá fjöldahjálparstöðinni í Klébergsskóla
Frá fjöldahjálparstöðinni í Klébergsskóla vísir/

Um tvö hundruð manns eru nú staddir í fjöldahjálparstöð Rauða krossins í Klébergsskóla vegna óveðursins sem gengið hefur yfir. Þá hefur aðgerðarstjórn höfuðborgarsvæðisins verið virkjuð til þess að stýra aðgerðum.

Fyrsta fólkið sem kom í fjöldahjálparstöðina kom úr tveimur rútum sem höfðu lent í vanda á Kjalarnesi á tíunda tímanum í morgun. Síðan þá hefur fjölgað mikið í hjálparstöðinni og er þó nokkuð um ferðamenn á bílaleigubílum.

Í tilkynningu frá Rauða krossinum segir að nú sé brýnasta verkefnið að útvega mat fyrir allan þennan fjölda og koma honum í hjálparstöðina. Hratt sé gengið á birgðir af orkustöngum og öðru.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira