Innlent

Þrjár rútur í miklum vandræðum í Öræfum: Ein þeirra valt við Freysnes

Birgir Olgeirsson skrifar
Fyrstu fréttir benda til þess að um minniháttar meiðsl sé að ræða en afar erfitt færi á svæðinu enda aftakaveður.
Fyrstu fréttir benda til þess að um minniháttar meiðsl sé að ræða en afar erfitt færi á svæðinu enda aftakaveður. Loftmyndir ehf.

Uppfært klukkan 18.10 - Samkvæmt upplýsingum frá lögreglunni á Suðurlandi fór fimmtán manna rúta á hliðina. Fimm slösuðust við veltuna en talið er að meiðsli þeirra séu minniháttar.
Verið er að hlúa að meiðslum þeirra á Hótel Skaftafelli í Freysnesi auk þess sem að aðrir farþegar bíða nú átekta þar.

Samvæmt upplýsingum frá lögreglu snerust tvær aðrar rútur á veginum á svipuðum stað og rútan fór á hliðina. Voru farþegar þeirra einnig fluttar á Hótel Skaftafell.

Þrjár rútur lentu í miklum vandræðum við Freysnes í Öræfum á fjórða tímanum í dag. Ein þeirra valt en samkvæmt fyrstu upplýsingum frá lögreglu á Suðurlandi er um minniháttar meiðsl að ræða.

Björgunarsveitin Kári í Öræfum er komin á vettvang og er nú unnið að því að flytja farþegana úr rútunum á Hótel Skaftafell í Freysnesi. Sjúkrabílar eru á leið á vettvang en færið er mjög erfitt enda aftakaveður á svæðinu samkvæmt lögreglu.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira