Körfubolti

Óvíst hvort Ívar stýrir Haukum gegn Snæfelli vegna skíðaferðar

Ingvi Þór Sæmundsson skrifar
Ívar og félagar hans berjast fyrir lífi sínu í Domino's deildinni.
Ívar og félagar hans berjast fyrir lífi sínu í Domino's deildinni. vísir/anton

Ekki er víst hvort Ívar Ásgrímsson stýri Haukum gegn Snæfelli í Domino's deild karla eftir viku.

Ívar á pantaða skíðaferð á sama tíma og þessi mikilvægi leikur fer fram. Haukar eru í ellefta og næstneðsta sæti deildarinnar með 12 stig, tveimur stigum frá öruggu sæti. Snæfell er á botni deildarinnar án stiga.

Í samtali við Vísi vildi Ívar ekki staðfesta hvort hann færi í skíðaferðina eða ekki. Þau mál væru til skoðunar.

„Það kemur í ljós. Við erum bara að ræða þessi mál. Það er ekkert hægt að staðfesta. Þetta var ferð sem var keypt í sumar, plönuð miklu fyrr og við erum bara að skoða þetta,“ sagði Ívar við Vísi.

Haukar hafa tapað þremur leikjum í röð í Domino's deildinni en silfurliðið frá því í fyrra hefur átt erfitt uppdráttar í vetur.

Auk Snæfells eiga Haukar eftir að mæta Stjörnunni á útivelli og Tindastóli á heimavelli.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira