Viðskipti erlent

Nokia 3310 verður með litaskjá

Tryggvi Páll Tryggvason skrifar
Nokia 3310 farsíminn. Oft kallaður Skriðdrekinn.
Nokia 3310 farsíminn. Oft kallaður Skriðdrekinn. MYND/GETTY

Nokia 3310, einhver vinsælasti farsími fyrr og síðar, verður með litaskjá þegar hann snýr aftur á markað von bráðar.

Frá þessu er greint á síðunni Vtech sem telur sig hafa áreiðanlegar heimildir fyrir þessu. Síminn verður formlega kynntur til leiks Mobile World Congres sem hefst á mánudaginn.

Í frétt Vtech segir að nýja útgáfan muni að mestu leyti vera eins og sú fyrri nema örlítið þynnri og nútímalegri. Skjárinn mun einnig verða eitthvað stærri en áður og hægt verður að fara á netið þó hinn nýji Nokia 3310 muni ekki flokkast sem snjallsími.

Nokia 3310 hefur stundum verið kallaður endingarbesti farsími sem framleiddur hefur verið og má því fastlega búast við því að hann muni njóta mikilla vinsælda þegar hann kemur aftur á markaðinn seinna á þessu ári.


Tengdar fréttir

Einfaldara líf með heimskan en þó nautsterkan farsíma

Nokia 3310 farsíminn hefur ekki verið fáanlegur í smásölu í ein tólf ár, engu að síður eru enn tæplega sex hundruð slíkir símar í notkun á Íslandi. Líkur eru á að Skriðdrekinn, eins og síminn er oft kallaður, verði brátt fáanlegur á ný.

Nokia 3310 aftur í sölu

Einhver vinsælasti farsími fyrr og síðar, Nokia 3310, er aftur á leið í framleiðslu og til sölu í verslunum.

Nokia með endurkomu á snjallsímamarkað

Síminn verður kynntur til leiks á fyrri hluta þessa árs en hann mun bera heitið Nokia 6 og verður seldur í Kína. Er síminn hugsaður sem andsvar við Samsung Galaxy S7.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira