Veiði

Spennandi stjórnarkjör hjá SVFR í gær

Karl Lúðvíksson skrifar

Aðalfundur Stangaveiðifélags Reykjavíkur var haldinn í gær og var að venju vel sóttur en greinilegt var að kosning til stjórnar dró að félaga sem hefði líklega annars ekki mætt.

Farið var yfir skýrslu stjórnar og ársreikninga frá síðastliðnu rekstrarári og var rekstrar-niðurstaða jákvæð um 9,6 milljónir rúmar. Sala veiðileyfa hefur gengið mjög vel fyrir sumarið 2017 og er það von stjórnar SVFR að veiðisumarið 2017 verði gott.

Kosning til stjórnar félagsins var nokkuð spennandi en 6 aðilar voru í kjöri til stjórnar um 3 laus sæti. Um 140 utankjörfundaratkvæði bárust fyrir fundinn og voru um 100 manns sem kusu á aðalfundi félagsins. Þeir einstaklingar sem buðu sig fram voru Ágústa Katrín, Jóhann Kristinn, Jón Víðir, Ólafur Breiðfjörð, Reynir Þrastar og Stefán Hallur. Mjótt var á mununum framan af en það endaði þó svo að Ágústa Katrín, Jóhann Kristinn og Ólafur Breiðfjörð sem hlutu brautargengi í stjórn félagsins næstu 2 árin.  Aðeins eitt atkvæði skildi að Jón Víði og Jóhann en eins og áður segir náði Jóhann kjöri í stjórn.  Við óskum nýjum stjórnarmönnum til hamingju með kjörið og óskum þeim velfarnaðar í starfi.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira