Skútan Berglind Pétursdóttir skrifar 13. febrúar 2017 07:00 Um helgina missti einhver skútu á götuna þar sem leið viðkomandi lá eftir Hafnarfjarðarveginum. Það var í fréttunum. Ef þetta er ekki merki um að góðærið sé komið aftur þá veit ég ekki hvað. Fólki er orðið það drull um skúturnar sínar að það nennir ekki einu sinni að festa á þær belti í helgarbíltúrnum. Það má reyndar varla kaupa sér flatskjá, byggja hótel eða missa skútu af kerru þessa dagana án þess að fólk tali um að góðærið sé komið aftur. Það er uppgangur í þjóðfélaginu því við erum að græða svo mikið á vongóðum ferðamönnum sem kaupa norðurljósaferðir. Þetta góðæristal veitir mér gleðitilfinningu. Ég fíla næs hluti, ég fíla að fólk kaupi skútur og ég vona að mér verði bráðum boðið í partí með einhverjum gullhúðuðum mat sem Elton John ber fram, því hann verður þjónn þarna (svo ógeðslega flott partí). Hrun? Só? Ég fann sko ekki neitt fyrir hruninu síðast. Ég var í Listaháskólanum, átti hvort sem er engan pening og umgekkst bara fátæka listnema í sömu sporum. Svo var geggjað mikið að gera hjá okkur í skapandi greinum eftir þetta ægilega hrun. Hvert var vandamálið? Þess vegna er ég tilbúin í annað hrun, svo lengi sem ég fæ að upplifa eitthvert geggjað góðæri fyrst. Ég ætla að bruna eftir Hafnarfjarðarveginum með hundrað skútur og rústa þeim öllum. Nú eru eflaust mjög eðlilegar skýringar á því hvernig skútan losnaði. En ég vil ekkert heyra um þær. Þessi skúta er táknræn. Þetta erum við. Við erum á hraðleið eftir Hafnarfjarðarveginum og það er skúta á kerru aftaní sem er geggjuð en við vitum að hún er eitthvað lauslega fest. Fulla ferð.Greinin birtist fyrst í Fréttablaðinu Viltu birta grein á Vísi? Sendu okkur póst. Senda grein Berglind Pétursdóttir Mest lesið Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir Skoðun Katrín og Gunnar? Hjörtur J. Guðmundsson Skoðun Ótímabundin leyfi, ótímabundið náttúruníð Elvar Örn Friðriksson Skoðun Breiðholt brennur Eðvarð Hilmarsson Skoðun Er þetta í alvöru verðlaunaefni? Snorri Másson Skoðun Biskup í tengslum Guðrún Karls Helgudóttir Skoðun Er stóraukin lýðræðisþátttaka ekki verðlaunaefni? Einar Freyr Elínarson Skoðun Dýravelferðarmartröð af áður óþekktri stærð Benedikta Guðrún Svavarsdóttir Skoðun Það vantar vanan og áreiðanlegan mann í verkið Haraldur Ólafsson Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun
Um helgina missti einhver skútu á götuna þar sem leið viðkomandi lá eftir Hafnarfjarðarveginum. Það var í fréttunum. Ef þetta er ekki merki um að góðærið sé komið aftur þá veit ég ekki hvað. Fólki er orðið það drull um skúturnar sínar að það nennir ekki einu sinni að festa á þær belti í helgarbíltúrnum. Það má reyndar varla kaupa sér flatskjá, byggja hótel eða missa skútu af kerru þessa dagana án þess að fólk tali um að góðærið sé komið aftur. Það er uppgangur í þjóðfélaginu því við erum að græða svo mikið á vongóðum ferðamönnum sem kaupa norðurljósaferðir. Þetta góðæristal veitir mér gleðitilfinningu. Ég fíla næs hluti, ég fíla að fólk kaupi skútur og ég vona að mér verði bráðum boðið í partí með einhverjum gullhúðuðum mat sem Elton John ber fram, því hann verður þjónn þarna (svo ógeðslega flott partí). Hrun? Só? Ég fann sko ekki neitt fyrir hruninu síðast. Ég var í Listaháskólanum, átti hvort sem er engan pening og umgekkst bara fátæka listnema í sömu sporum. Svo var geggjað mikið að gera hjá okkur í skapandi greinum eftir þetta ægilega hrun. Hvert var vandamálið? Þess vegna er ég tilbúin í annað hrun, svo lengi sem ég fæ að upplifa eitthvert geggjað góðæri fyrst. Ég ætla að bruna eftir Hafnarfjarðarveginum með hundrað skútur og rústa þeim öllum. Nú eru eflaust mjög eðlilegar skýringar á því hvernig skútan losnaði. En ég vil ekkert heyra um þær. Þessi skúta er táknræn. Þetta erum við. Við erum á hraðleið eftir Hafnarfjarðarveginum og það er skúta á kerru aftaní sem er geggjuð en við vitum að hún er eitthvað lauslega fest. Fulla ferð.Greinin birtist fyrst í Fréttablaðinu
Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun
Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun