Viðskipti innlent

Helgi Magnússon í hóp stærstu hluthafa Nýherja

Hörður Ægisson skrifar
Helgi Magnússon hóf að kaupa bréf í Nýherja í byrjun þessa árs.
Helgi Magnússon hóf að kaupa bréf í Nýherja í byrjun þessa árs.

Helgi Magnússon, fjárfestir og fyrrverandi formaður Samtaka iðnaðarins og Lífeyrissjóðs verslunarmanna, er kominn í hóp stærstu hluthafa Nýherja með 1,3 prósenta hlut. Félagið Varðberg ehf., sem er að fullu í eigu Helga, átti þannig rúmlega 6 milljónir hluta í Nýherja í lok síðustu viku sem gerir það að 13. stærsta hluthafa upplýsingatæknifyrirtækisins. Miðað við gengi bréfa við lokun markaða í gær er hlutur Helga í Nýherja metinn á um 170 milljónir króna.

Helgi hóf að kaupa bréf í Nýherja í upphafi þessa árs en hlutabréfaverð félagsins hefur hækkað um liðlega 40 prósent frá áramótum. Nýherji birti ársuppgjör sitt í lok síðasta mánaðar þar sem meðal annars kom fram að tekjur samstæðunnar hefðu aukist um 11 prósent á milli ára og EBITDA-hagnaður um sjö prósent. Í afkomutilkynningu félagsins var haft eftir Finni Oddssyni, forstjóra Nýherja, að nýliðið rekstrarár hefði verið „með þeim betri í sögu félagsins“.

Hlutabréfaverð Nýherja hefur hækkað um 20 prósent síðan félagið birti ársuppgjör sitt fyrir um tveimur vikum.

Helgi er stjórnarmaður og hluthafi í Marel og N1. Félagið Hofgarðar ehf., sem er að fullu í eigu Helgu, á þannig 2,24 prósenta hlut í N1 og þá fer Eignarhaldsfélag Hörpu, sem er í meirihlutaeigu Helga, með tæplega 0,4 prósenta hlut í Marel. Markaðsvirði þessara hluta er samanlagt um 1.650 milljónir. Eignarhaldsfélag Hörpu minnkaði hlut sinn í Marel fyrr í vikunni þegar félagið seldi eina milljón hluta á genginu 309.

Hagnaður þriggja félaga Helga – Hofgarða, Varðbergs og Eignarhaldsfélags Hörpu – nam 838 milljónum eftir skatta á árinu 2015. Fyrir utan hlutafjáreign í skráðum félögum á markaði er Helgi jafnframt á meðal stærstu hluthafa í Bláa lóninu með rúmlega 5 prósenta hlut.

Fréttin birtist fyrst í Markaðnum fylgiriti Fréttablaðsins um viðskipti og efnahagsmál. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SKEL
2,43
29
1.532.261
REITIR
1,11
11
277.673
HAGA
1,11
20
569.875
GRND
1,1
7
96.059
EIM
0,96
3
26.619

Mesta lækkun dagsins


Félag
Br.%
Fjöldi
Velta*
ICEAIR
-0,91
12
96.089
VIS
-0,04
2
21.202
REGINN
0
2
26.745