Formúla 1

Bottas: Ég get unnið Hamilton

Kristinn Ásgeir Gylfason skrifar
Það verður spennandi að fylgjast með baráttu Valtteri Bottas og Lewis Hamilton í ár.
Það verður spennandi að fylgjast með baráttu Valtteri Bottas og Lewis Hamilton í ár. Vísir/Getty

Nýji ökumaður Mercedes liðsins, Valtteri Bottas, segir að hann geti unnið liðsfélaga sinn, Lewis Hamilton í baráttu um heimsmeistarakeppni ökumanna.

Að mati Bottas sýndi Nico Rosberg, ríkjandi heimsmeistari og forveri Bottas hjá Mercedes öðrum ökumönnum að það væri hægt að hafa betur gegn Hamilton.

„Mér líður eins og það sé hægt að vinna Lewis, Nico sýndi að það er hægt,“ sagði Bottas í samtali við Sky Sports í Þýskalandi.

„Ég ber þó mikla virðingu fyrir því sem hann hefur gert á sínum ferli. Hann hefur náð svo mörgum ráspólum, unnið margar keppnir og er þrefaldur heimsmeistari.“

„Á meðan hef ég ekki unnið keppni. Ég hef mikið að sanna.“

Aðspurður hvort Bottas telji sig geta barist um heimsmeistaratitl ökumanna svaraði Finninn: „Ef bíllinn er sá besti. Ég er ekki hér til að verða annar eða aftar en það. Þetta er mikil áskorun að takast á við að aka í sama liði og Lewis.“


Tengdar fréttir

Rosberg: Hamilton fékk að vaða yfir mig

Nico Rosberg, heimsmeistari í Formúlu 1 segir að fyrrum liðsfélagi sinn og þrefaldi heimsmeistarinn Lewis Hamilton hafi vaðið yfir hann tímabilin áður en Rosberg varð meistari í fyrra.

Faðir Lewis Hamilton sendir Bottas varnaðarorð

Faðir Lewis Hamilton, Anthony Hamilton segir að sonur hans stefni nú á hápunkt ferilsins. Hann varar Bottas við og telur að ef Bottas er ekki reiðubúinn gæti samanburðurinn gert út af við feril Bottas.

Valtteri Bottas kynntur sem ökumaður Mercedes

Mercedes hefur staðfest að Valtteri Bottas mun aka Formúlu 1 bíl liðsins á komandi tímabili. Bottas verður þar með liðsfélagi þrefalda heimsmeistarans Lewis Hamilton.



Fleiri fréttir

Sjá meira