Fótbolti

Zlatan skyggði á Pogba-bræðurna með þremur mörkum | Sjáðu mörkin

Ingvi Þór Sæmundsson skrifar

Zlatan Ibrahimovic skoraði þrennu þegar Manchester United bar sigurorð af Saint-Etienne, 3-0, í fyrri leik liðanna í 32-liða úrslitum Evrópudeildarinnar í kvöld.

Fyrir leikinn var mest athygli á Pogba-bræðrunum, Paul og Florentin, sem mættust þarna í fyrsta skipti. En Zlatan stal sviðsljósinu eins og honum einum er lagið.

Zlatan kom United yfir með afar skrautlegu marki á 15. mínútu.

Leikurinn var fjörugur og Saint-Etienne fékk svo sannarlega tækifæri til að skora. Franska liðið náði þó aðeins einu skoti á markið í leiknum.

Zlatan skoraði sitt annað mark á 75. mínútu eftir undirbúning Marcus Rashford og hann fullkomnaði svo þrennuna með marki úr vítaspyrnu tveimur mínútum fyrir leikslok.

Lokatölur 3-0 og United í afar góðri stöðu fyrir seinni leikinn í Frakklandi eftir viku.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira