Innlent

Veittist að ferðamanni á BSÍ og tók töskuna hans

Sunna Karen Sigurþórsdóttir skrifar
Ferðamaðurinn var ekki með neina sjáanlega áverka en fann til í höfði og var ringlaður.
Ferðamaðurinn var ekki með neina sjáanlega áverka en fann til í höfði og var ringlaður. vísir/vilhelm

Karlmaður í annarlegu ástandi tók erlendan ferðamann haustaki og hrinti honum í jörðina um klukkan hálf sjö á BSÍ í gærkvöldi. Maðurinn hafði tekið tösku ferðamannsins og neitað að skila henni nema gegn greiðslu.

Þegar ferðamaðurinn neitaði að greiða fyrir töskuna réðst maðurinn á hann með þeim afleiðingum að hann fann til í höfði og var ringlaður en var ekki með sjáanlega áverka. Lögreglan handtók árásarmanninn sem er nú vistaður í fangageymslu.

Þá var annar maður handtekinn á bar í miðborginni um klukkan níu þar sem hann var að áreita og hóta erlendum ferðamönnum, og krafðist þess að þeir keyptu handa sér áfengi. Maðurinn var færður í fangageymslur.

Um klukkan þrjú í nótt fékk lögregla tilkynningu um ölvaðan mann að brjóta rúðu í húsi við Hverfisgötu. Mikið blæddi úr hendi mannsins og var hann fluttur með sjúkrabíl á slysadeild, að því er segir í skeyti frá lögreglu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira