Innlent

Fjölmenni við útför Ólafar Nordal

Tryggvi Páll Tryggvason skrifar
Hægt var að fylgjast með útförinni á skjá í sal Iðnó sem var þéttsetinn.
Hægt var að fylgjast með útförinni á skjá í sal Iðnó sem var þéttsetinn. Vísir/GVA

Ólöf Nordal var jarðsungin frá Dómkirkjunni í dag. Fjölmenni var viðstatt útförina og stóðu félagar í Sjálfstæðisflokknum heiðursvörð þegar líkkista Ólafar var borin út úr Dómkirkjunni.

Hægt var að fylgjast með útförinni á skjá í sal Iðnó sem var þéttsetinn. Ólöf lést, 50 ára að aldri, þann 8. febrúar eftir baráttu við krabbamein. Ólöf Nordal var varaformaður Sjálfstæðisflokksins og vinsæll stjórnmálamaður þvert á flokka.

Hennar var minnst á fjórum opnum í minningarsíðum Morgunblaðsins í dag. Meðal þeirra sem rituðu minningarorð um Ólöfu voru Bjarni Benediktsson, forsætisráðherra, Katrín Jakobsdóttir, formaður Vinstri hreyfingarinnar - Græns framboðs, Þorgerður Katrín Gunnarsdóttir, sjávarútvegs- og landbúnaðarráðherra og Sigmundur Davíð Gunnlaugsson, þingmaður Framsóknarflokksins.

Félagar í Sjálfstæðisflokknum stóðu heiðursvörð Vísir/GVA
Vísir/GVA
Vísir/GVA

Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira