Formúla 1

Hamilton: Hættum að deila gögnum með liðsfélaganum

Kristinn Ásgeir Gylfason skrifar
Hamilton vill ekki sýna sín gögn né sjá annarra.
Hamilton vill ekki sýna sín gögn né sjá annarra. Vísir/Getty
Þrefaldi heimsmeistarinn í Formúlu 1, Lewis Hamilton telur að það væri skynsamlegt ef liðsfélagar hættu að deila gögnum um akstur sinn.

Hamilton vill þó að verkfræðingar liðanna geti áfram sótt upplýsingar til hinnar hliðar bílskúrsins; um frammistöðu vélaíhluta eða bílsins sjálfs.

Hann vill einfaldlega að upplýsingar um bremsupunkta, aksturslínur og annað verði einkamál hvers ökumanns.

Hamilton segir að hann hafi óskað þess við lið sitt, Mercedes að upplýsingunum verði ekki deilt með nýjum liðsfélaga hans Valtteri Bottas.

„Ég fer út og ek mína hringi, vinn mína heimavinnu og liðsfélagi minn getur séð allt sem ég geri,“ sagði Hamilton á kynningu hjá UBS einu styrktaraðila liðsins.

„Ég hef óskað eftir þessu við liðið. Ég vil ekki sjá gögn liðsfélaga míns.“

„Vegna gagnanna getur liðsfélagi minn séð að ég er að bremsa fimm metrum seinna en hann og hann fer þá bara og reynir það án þess að þurfa að komast að því sjálfur.“

„Það er það sem mér mislíkar,“ sagði Hamilton.

„Ef ég get ekki fundið út hvar takmörkin eru í getu bílsins sjálfur, þá á ég ekki skilið að vera í bílnum. Það eru sumir ökumenn sem geta það ekki,“ sagði Hamilton að lokum.


Tengdar fréttir

Williams bíllinn afhjúpaður

Autosport birti í dag fyrstu myndirnar af FW40 bíl Williams liðsins í Formúlu 1. Myndirnar eru góð vísbending um það sem koma skal hjá öðrum liðum sem munu afhjúpa sína bíla á næstu dögum.

Bottas: Ég get unnið Hamilton

Nýji ökumaður Mercedes liðsins, Valtteri Bottas, segir að hann geti unnið liðsfélaga sinn, Lewis Hamilton í baráttu um heimsmeistarakeppni ökumanna.

Rosberg: Hamilton fékk að vaða yfir mig

Nico Rosberg, heimsmeistari í Formúlu 1 segir að fyrrum liðsfélagi sinn og þrefaldi heimsmeistarinn Lewis Hamilton hafi vaðið yfir hann tímabilin áður en Rosberg varð meistari í fyrra.




Fleiri fréttir

Sjá meira


×