Sport

UFC-stjörnur lömdu lukkudýr Rockets

Henry Birgir Gunnarsson skrifar

Aðalstuðið er í Houston þessa dagana þar sem Super Bowl-leikurinn fer fram á sunnudag.

UFC ætlar að vera með bardagakvöld í Houston um helgina og fer ýmsar leiðir til þess að láta vita af því. Margar af skærustu stjörnum UFC eru í Houston að reyna að fá sinn skerf af athygli í Super Bowl-vikunni.

Á leik NBA-liðanna Houston Rockets og Atlanta Hawks í gær voru mættir þeir Max Holloway og Sage Northcutt til þess að taka þátt í uppákomu á leiknum.

Í einu leikhléinu stukku þeir inn á völlinn og lumbruðu hraustlega á lukkudýri Rockets sem er kallað Clutch.

Allt í gríni gert og áhorfendur höfðu gaman af. Sjá má barsmíðarnar hér að ofan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira