Sport

Sunna berst næst í lok mars

Henry Birgir Gunnarsson skrifar
Sunna keppti líka sinn fyrsta bardaga í Kansas City.
Sunna keppti líka sinn fyrsta bardaga í Kansas City. mynd/mjolnir.is

Bardagakonan Sunna „Tsunami“ Davíðsdóttir er búin að fá sinn næsta bardaga á atvinnumannaferlinum.

Hún mun berjast á Invicta FC 22 kvöldinu sem fram fer í Kansas City þann 25. mars. Þetta verður hennar annar bardagi síðan hún gerðist atvinnumaður.

Sunna vann yfirburðasigur gegn Ashley Greenway í sínum fyrsta bardaga á Invicta Fc 19.

Hún mun núna berjast við Mallory Martin sem er líka með einn atvinnumannabardaga á bakinu sem hún vann.



Fleiri fréttir

Sjá meira