Viðskipti innlent

Verðbólgan til friðs í þrjú ár

Jón Hákon Halldórsson skrifar
Bensínverð hækkar.
Bensínverð hækkar. vísir/anton brink

Verðbólga í janúar mælist 1,9% og er óbreytt frá síðasta mánuði samkvæmt tölum Hagstofunnar. Verðbólga hefur verið undir 2,5 prósenta verðbólgumarkmiði Seðlabankans í þrjú ár samfleytt, og Greining Íslandsbanka telur útlit fyrir að svo verði enn um sinn.

„Styrking krónunnar síðustu misseri skýrir þessa þróun nær alfarið og þróun krónu mun ráða hvað mestu um hvort verðbólga helst áfram hófleg eða eykst á komandi fjórðungum,“ segir Greining.

Útsölur höfðu veruleg áhrif til lækkunar neysluverðsvísitölunnar í janúar. Föt og skór lækkuðu í verði um tíu prósent, húsgögn og heimilisbúnaður um 10,3 prósent og raftæki um 14,9 prósent.

Þá lækkuðu flugfargjöld til útlanda um 12,2 prósent. Sem fyrr er húsnæðisliðurinn mesti áhrifavaldurinn til hækkunar á neysluverðsvísitölunni.

Reiknuð húsaleiga, sem endurspeglar þróun íbúðaverðs að mestu leyti, hækkaði um 1,3 prósent.

Eldsneytisverð hækkaði um tæp 3,8 prósent sem skýrist af hækkun opinberra gjalda og hækkun innflutningsverðs.

Fréttin birtist fyrst í Fréttablaðinu



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
1,25
21
294.553
LEQ
0,84
1
1.488
EIM
0,58
4
32.799

Mesta lækkun dagsins


Félag
Br.%
Fjöldi
Velta*
MARL
-2,14
12
529.052
SKEL
-1,07
4
109.235
EIK
-0,57
4
84.300
REITIR
-0,44
1
6.750
N1
-0,4
2
33.237