Innlent

Ráðherralisti Sjálfstæðisflokksins tilbúinn

Sunna Kristín Hilmarsdóttir skrifar
Frá vinstri: Kristján Þór Júlíusson, Sigríður Á. Andersen, Jón Gunnarsson, Þórdís Kolbrún Reykfjörð Gylfadóttir, Bjarni Benediktsson og Guðlaugur Þór Þórðarson
Frá vinstri: Kristján Þór Júlíusson, Sigríður Á. Andersen, Jón Gunnarsson, Þórdís Kolbrún Reykfjörð Gylfadóttir, Bjarni Benediktsson og Guðlaugur Þór Þórðarson vísir/vilhelm

Kristján Þór Júlíusson, Sigríður Á. Andersen, Jón Gunnarsson, Þórdís Kolbrún Reykfjörð Gylfadóttir, Bjarni Benediktsson og Guðlaugur Þór Þórðarson eru ráðherrar Sjálfstæðisflokksins í nýrri ríkisstjórn flokksins, Viðreisnar og Bjartrar framtíðar. Ólöf Nordal, varaformaður flokksins, mun því ekki taka sæti í nýrri stjórn en hún hefur verið í veikindaleyfi.

Bjarni er forsætisráðherra, Kristján Þór er menntamálaráðherra, Þórdís Kolbrún fer með ferðamál, iðnað og nýsköpun í atvinnuvegaráðuneytinu og Jón fer með samgöngu-, fjarskipta- og byggðamál í innanríkisráðuneytinu. Sigríður fer með dómsmál í því ráðuneyti. Þá er Guðlaugur Þór utanríkisráðherra.

Unnur Brá Konráðsdóttir verður forseti Alþingis og Birgir Ármannsson þingflokksformaður.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira