Lífið

Penthouse býður milljón dali fyrir piss-myndbönd Trump

Samúel Karl Ólason skrifar
Donald Trump.
Donald Trump. Vísir/AFP
Sögusagnir hafa verið á kreiki um nokkurt skeið að leyniþjónusta Rússland eigi myndbönd af vændiskonum sem Donald Trump, verðandi forseti Bandaríkjanna, réði til að pissa á hvora aðra. Sögurnar eru óstaðfestar og Trump og Rússar hafa neitað fyrir þær, en forsvarsmenn leyniþjónusta Bandaríkjanna kynntu þær fyrir Trump og Obama í síðustu viku, þar sem málið er til rannsóknar.

Sjá einnig: Frásagnir af gylltum sturtum og kúgunum Rússa „nornaveiðar“

Tímaritið Penthouse hefur nú boðið milljón dali fyrir hin meintu myndbönd.

Í samtali við TheWrap segir Kelly Holland, framkvæmdastjóri Penthouse að með þessu vilji tímaritið ná réttu fréttinni. Ekki endilega vera fyrst.

„Að sjá er að trúa,“ sagði Holland. „Okkur finnst eðlilegt að leyfa forsetanum verðandi að njóta vafans, en ef þessi myndbönd eru til, eigum við skilið að vita sannleikann.“

Búið er að gera stólpagrín að sögusögnunum á samfélagsmiðlum.





Fleiri fréttir

Sjá meira


×