Körfubolti

Fjórði sigur Stjörnunnar í röð | Alvöru Kanaslagur á Hlíðarenda

Ingvi Þór Sæmundsson skrifar
Danielle Victoria Rodríguez leiddi Stjörnuna til sigurs á toppliðinu.
Danielle Victoria Rodríguez leiddi Stjörnuna til sigurs á toppliðinu. vísir/anton

Heil umferð fór fram í Domino's deild kvenna í körfubolta í kvöld.

Skallagrímur fór upp fyrir Snæfell og í 2. sæti deildarinnar með 67-80 sigri í leik liðanna í Hólminum.

Stjarnan vann sinn fimmta leik í röð þegar liðið fékk Keflavík í heimsókn. Lokatölur 54-51.

Eins og tölurnar bera með sér var varnarleikurinn í aðalhlutverki í Ásgarði í kvöld. Bæði lið hittu illa en Keflavík skoraði t.a.m. aðeins eina þriggja stiga körfu úr 19 tilraunum í leiknum.

Stjarnan skoraði ekki síðustu fjóra og hálfa mínútu leiksins en tókst samt að kreista fram sigur á toppliðinu.

Danielle Victoria Rodríguez var atkvæðamest í liði Stjörnunnar með 23 stig, 14 fráköst, sjö stoðsendingar og þrjú varin skot. María Lind Sigurðardóttir skoraði 14 stig og Ragna Margrét Brynjarsdóttir 13 stig.

Emelía Ósk Gunnarsdóttir skoraði 15 stig og tók átta fráköst í liði Keflavíkur. Thelma Dís Ágústsdóttir bætti 14 stigum og sjö fráköstum við. Ariana Moorer lék ekki með Keflavík í kvöld.

Mia Loyd átti stórleik í liði Vals. vísir/stefán

Í Valshöllinni voru bandarískir leikmenn Vals og Njarðvíkur í aðalhlutverki. Valur vann leikinn 87-79.

Mia Loyd skoraði 46 stig og tók 21 frákast í liði Vals. Carmen Tyson-Thomas var söm við sig í liði Njarðvíkur og skoraði 45 stig og tók 23 fráköst.

Bergþóra Holton Tómasdóttir stóð einnig fyrir sínu í liði Vals; skoraði 21 stig, tók sex fráköst og gaf fjórar stoðsendingar.

Valskonur byrjuðu leikinn af krafti og leiddu með 10 stigum, 28-21, eftir 1. leikhluta. Þessi góða byrjun lagði gruninn að sigri Vals sem hefur sótt í sig veðrið eftir erfiða byrjun á tímabilinu.

Valur og Njarðvík eru jöfn að stigum í 5. og 6. sæti deildarinnar.

Haukar unnu gríðarlega mikilvægan sigur á Grindavík í botnslagnum. vísir/anton

Haukar rúlluðu yfir Grindavík, 69-47, í uppgjöri botnliðanna.

Með sigrinum fóru Haukar upp fyrir Grindavík og í 7. sætið. Grindvíkingar sitja nú á botninum eftir sjö töp í röð.

Sólrún Inga Gísladóttir skoraði 15 stig í jöfnu liði Hauka. Rósa Björk Pétursdóttir átti sömuleiðis afbragðsleik; skoraði 14 stig, tók níu fráköst og gaf sex stoðsendingar.

Ólöf Rún Óladóttir skoraði 10 stig fyrir Grindavík. Hún var eini leikmaður liðsins sem náði tveggja stafa tölu í leiknum í kvöld. Skotnýting Grindavíkur var aðeins 24%.

Tölfræði leikja kvöldsins:

Snæfell-Skallagrímur 67-80 (18-24, 10-17, 18-18, 21-21)

Snæfell: Aaryn Ellenberg-Wiley 24/11 fráköst, Berglind Gunnarsdóttir 15/7 fráköst, Gunnhildur Gunnarsdóttir 13/6 fráköst, Helga Hjördís Björgvinsdóttir 7, Andrea Björt Ólafsdóttir 4/5 fráköst, Bryndís Guðmundsdóttir 2, Sara Diljá Sigurðardóttir 2, Alda Leif  Jónsdóttir 0/4 fráköst.

Skallagrímur: Tavelyn Tillman 26/4 fráköst, Sigrún Sjöfn  Ámundadóttir 18/16 fráköst, Jóhanna Björk Sveinsdóttir 11/6 fráköst, Fanney Lind Tomas 9, Ragnheiður Benónísdóttir 7/9 fráköst, Kristrún Sigurjónsdóttir 6, Guðrún Ósk Ámundadóttir 3.

Stjarnan-Keflavík 54-51 (15-15, 14-14, 15-10, 10-12)

Stjarnan: Danielle Victoria Rodriguez 23/14 fráköst/7 stoðsendingar/3 varin skot, María Lind Sigurðardóttir 14, Ragna Margrét Brynjarsdóttir 13/7 fráköst, Viktoría Líf Steinþórsdóttir 2, Bryndís Hanna Hreinsdóttir 2, Jenný Harðardóttir 0/6 fráköst, Hafrún Hálfdánardóttir 0/6 fráköst.

Keflavík: Emelía Ósk Gunnarsdóttir 15/8 fráköst, Thelma Dís Ágústsdóttir 14/7 fráköst, Birna Valgerður Benónýsdóttir 9/5 fráköst, Þóranna Kika Hodge-Carr 7/4 fráköst, Erna Hákonardóttir 4, Katla Rún Garðarsdóttir 2/5 fráköst/6 stoðsendingar.

Valur-Njarðvík 87-79 (28-18, 23-21, 22-23, 14-17)

Valur: Mia Loyd 46/21 fráköst/4 varin skot, Bergþóra Holton Tómasdóttir 21/6 fráköst, Hallveig Jónsdóttir 8/6 stoðsendingar, Dagbjört Samúelsdóttir 3, Elfa Falsdottir 3, Dagbjört Dögg Karlsdóttir 3/8 fráköst, Guðbjörg Sverrisdóttir 3/6 fráköst/5 stoðsendingar.

Njarðvík: Carmen Tyson-Thomas 45/23 fráköst, Björk Gunnarsdótir 7/4 fráköst/10 stoðsendingar, María Jónsdóttir 6, Karen Dögg Vilhjálmsdóttir 4, Linda Þórdís Barðdal Róbertsdóttir 4, Erna Freydís Traustadóttir 4, Heiða Björg Valdimarsdóttir 4, Soffía Rún Skúladóttir 3/5 fráköst, Hulda Bergsteinsdóttir 2.

Haukar-Grindavík 69-47 (21-9, 13-13, 20-9, 15-16)

Haukar: Sólrún Inga Gísladóttir 15/4 fráköst, Rósa Björk Pétursdóttir 14/9 fráköst/6 stoðsendingar, Anna Lóa Óskarsdóttir 12/5 fráköst, Dýrfinna Arnardóttir 10, Þóra Kristín Jónsdóttir 9/9 fráköst/6 stoðsendingar/7 stolnir, Sigrún Björg Ólafsdóttir 6, Magdalena Gísladóttir 2, Þórdís Jóna Kristjánsdóttir 1.

Grindavík: Ólöf Rún Óladóttir 10, María Ben Erlingsdóttir 9/8 fráköst, Ingunn Embla Kristínardóttir 7/5 fráköst, Petrúnella Skúladóttir 6/8 fráköst, Lovísa Falsdóttir 5, Íris Sverrisdóttir 5/8 fráköst, Elísabet María Magnúsdóttir 4, Angela Björg Steingrímsdóttir 1.


Tengdar fréttir




Fleiri fréttir

Sjá meira