Formúla 1

Örlög Manor ráðast á næstu átta dögum

Kristinn Ásgeir Gylfason skrifar
Esteban Ocon í Manor bílnum í Abú Dabí, sem er mögulega síðasti kappakstur Manor liðsins.
Esteban Ocon í Manor bílnum í Abú Dabí, sem er mögulega síðasti kappakstur Manor liðsins. Vísir/GEtty

Manor liðið í Formúlu 1 hefur átta daga til að finna fjárfesta til að bjarga liðinu. Skiptastjóri hefur tekið við rekstrarfélagi Manor liðsins.

Samkvæmt heimildum Motorsport.com hefur skiptastjóri frest til 20. janúar ef liðið á að eiga von á að vera með í Ástralíu. Ástralíukappaksturinn verður fyrsta keppni tímabilsins og fer fram 26. mars.

Talið er að nýr bíll liðsins sé reiðubúin til samsetningar í höfuðstöðvum liðsins í Banbury. Skiptastjórinn hefur hins vegar stöðvað öll útgjöld á meðan lausnar er leitað. Hugsanlegt er því ennþá að Manor takist að vera með.

Manor liðið þekkir því miður vel til fjárhagsvandræða. Áður hét liðið Marussia og þá þurfti liðið aðm draga sig úr keppni þegar þrjár keppnir voru eftir af tímabilinu árið 2014. Liðið snéri þó aftur árið 2015, þó með árs gamla vél og var um einskonar millibilsástand að ræða.

Mercedes skaffaði Manor liðinu vélar fyrir tímabilið 2016 og var það mikið framfaraskref fyrir Manor. Allt útlit var fyrir að Manor myndi enda í 10. sæti í keppni bílasmiða eftir að liðið náði í stig í Austurríki. Allt kom þó fyrir ekki og Sauber liðið stal 10. sætinu, þegar Felipe Nasr kom níundi í mark í Brasilíu. Níunda sæti Nasr tryggði Sauber tvö stig og þar með 10. sætið.

Eigandi Manor, Stephen Fitzpatrick hefur viðurkennt að örlög liðsins hafi nánast ráðst algjörlega á því að tapa því verðlaunafé sem í boði var fyrir 10. sætið.


Tengdar fréttir

Manor með Mercedes vélar

Manor Marussia liðið í Formúlu 1 hefur náð samningum við Mercedes um að skaffa liðinu vélar á komandi tímabilum.

Manor hugsanlega hætt við

Manor liðið í Formúlu 1 endurhugsar nú áætlun sína um að kynna nýjan bíl á tímabilinu. Hugsanlega verður hann ekki kynntur fyrr en á næsta tímabili.

Manor með til Melbourne

Manor liðið hefur staðfest að 2015 bíll liðsins sé reiðubúinn og mæti í fyrstu keppni tímabilsins í Ástralíu eftir 10 daga.

Marussia bjargað á elleftu stundu?

Tekist hefur að blása lífi í vonarglæður yfirmanna Marussia liðsins um að það takist að bjarga liðini. Hætt hefur verið við loka uppboð á eignum liðsins.



Fleiri fréttir

Sjá meira