Viðskipti innlent

Jólabjór á útsöluverði fram að þrettánda

nína hjördís þorkelsdóttir skrifar
Jólabjórinn frá Einstök er meðal þeirra bjóra sem seldur verður á útsöluverði.
Jólabjórinn frá Einstök er meðal þeirra bjóra sem seldur verður á útsöluverði. vísir/Daníel

Vífilfell ætlar að stórlækka verð á jólabjór frá fyrirtækinu sem ekki seldist yfir hátiðirnar. Mbl.is greinir frá þessu.

Með verðlækkuninni vill Vífilfell sporna gegn matarsóun. Á ári hverju er tugþúsundum lítra jólabjórs fargað vegna reglugerðar ÁTVR sem kveður á um að árstíðabundnar vörur megi aðeins vera í hillum verslananna í takmarkaðan tíma.

Vísir greindi frá því í janúar á síðasta ári að 30 þúsund lítrum af jólabjór hefði verið fargað vegna reglugerðarinnar.

Hilmar Geirsson, vörumerkjastjóri hjá Vífilfelli sagði í samtali við mbl.is að jólabjórinn sem nú er í hillum Vínbúðanna sé í góðu lagi og renni ekki út fyrr en með haustinu. Markmiðið með verðlækkununum sé að koma í veg fyrir að farga þurfi bjór í lítratali.

Að hans sögn verður bjórinn 60 til 110 krónum ódýrari á þessu sérstaka útsöluverði.

Endurnýta bjór til þess að brugga viskí
Árni Hafstað, eigandi brugghússins Gæðings, segir í samtali við Vísi að fyrirtækið hyggðist ekki ætla að grípa til verðlækkunar. „Raunar hefðum við þurft að tilkynna um lækkað verð fyrir 20. desember síðastliðinn,“ segir Árni.

Hann segir að brugghúsið Gæðingur hafi hingað til ekki þurft að farga miklu magni af bjór. Bjórinn sem verður afgangs fer ekki í vaskinn hjá brugghúsinu, heldur er hann endurnýttur við bruggun á viskí.

Samkvæmt reglum ÁTVR má jólabjór aðeins vera í hillum verslananna til 6. janúar. Því geta neytendur aðeins nælt sér í jólabjór á lækkuðu verði fram á föstudag.

Agnes Anna Sigurðardóttir, framkvæmdastjóri Kalda.

Ekki möguleiki fyrir landsmenn að klára birgðirnar á svo stuttum tíma
Agnes Anna Sigurðardóttir, framkvæmdastjóri Kalda, fullyrðir í samtali við Vísi að jólabjór brugghússins verði ekki lækkaður í verði. Þess gerðist ekki þörf enda lítið eftir af jólabjór Kalda.

„Restin af brugginu okkar er öll í hillum Vínbúðanna, hér er enginn afgangur,“ segir Agnes. Hún segir að eflaust muni eitthvað af þessum eftirstandandi flöskum vera sendar til brugghússins eftir 6. janúar sem þyrfti að farga en magnið yrði óverulegt.

Hún telur þó að magnið af jólabjór sem hefur verið til sölu í verslunum ÁTVR fyrir jól undanfarin ár sé í raun allt of mikið. „Þetta er of mikið magn til þess að landsmenn geti hreinlega drukkið þetta allt á svona stuttum tíma,“ segir Agnes og vísar til þess að tímarammi sölu jólabjórs sé knappur. 

Hún segir þó að smærri brugghús, líkt og Kaldi, þurfi sjaldan að grípa til förgunar í miklum mæli enda eru þau ekki í aðstöðu til þess að brugga jafn mikið í einu og stærri framleiðendur.

Fréttastofa Vísis reyndi að ná tali af forstjóra Ölgerðarinnar við vinnslu fréttarinnar en án árangurs.


Tengdar fréttir

30 þúsund lítrum af jólabjór fargað

745 þúsund lítrar af jólabjór seldust í vínbúðunum um síðustu jól og er það 11,4 prósenta aukning frá því í fyrra þegar um 669 þúsund lítrar af bjór seldust.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
4,36
82
1.091.920
ORIGO
2,25
2
3.481
REITIR
1,24
3
101.924
HEIMA
0,91
1
11
ARION
0,87
3
130.285

Mesta lækkun dagsins


Félag
Br.%
Fjöldi
Velta*
LEQ
-0,84
1
200
VIS
-0,71
2
2.480
MARL
-0,52
10
181.238
FESTI
-0,2
3
42.932
SKEL
0
1
500
Velkomin á Vísi. Þessi vefur notar vafrakökur. Sjá nánar.