Sport

Ánægja með áhorfið á UFC 207

Henry Birgir Gunnarsson skrifar
Ronda barðist hugsanlega í síðasta sinn á ferlinum í lok síðasta árs.
Ronda barðist hugsanlega í síðasta sinn á ferlinum í lok síðasta árs. vísir/getty
Fyrstu tölur benda til þess að áhorfið á UFC 207 á næstsíðasta degi ársins hafi verið mjög gott þó svo það hafi verið mikil samkeppni í sjónvarpinu.

Það var mjög stór leikur í háskólaruðningnum, Orange Bowl, á milli Michigan og Florida State á sama tíma en slíkir leikir fá gríðarlegt áhorf í Bandaríkjunum.

Fyrri hluti kvöldsins, prelims, er í opinni dagskrá á Fox en það þarf að greiða sérstaklega fyrir að sjá aðalhlutann í svokölluðu Pay Per View.

Rúmlega 1,5 milljón horfðu á fyrri hluta kvöldsins þar sem aðalbardaginn var á milli Johny Hendricks og Neil Magny. Það er fjórða besta áhorfið á Fox á árinu. 11,4 milljónir horfðu á Orange Bowl á sama tíma.

Mun fleiri konur horfðu á bardagana en venjulega og ljóst að Ronda Rousey dró marga kvenmenn að tækinu.

Ekki liggur fyrir hversu margir greiddu fyrir að sjá aðalbardagana en líklega keyptu yfir milljón Bandaríkjamenn sér aðgang til þess að sjá Rondu keppa og tapa á 48 sekúndum.

MMA

Tengdar fréttir

Amanda Nunes kláraði Rondu Rousey auðveldlega

UFC 207 fór fram í nótt þar sem Ronda Rousey snéri aftur í búrið eftir 13 mánaða fjarveru. Ronda entist ekki í eina mínútu með meistaranum Amöndu Nunes.




Fleiri fréttir

Sjá meira


×