Innlent

Manns leitað sem fór í sjóinn við Reynisfjöru

sunna karen sigurþórsdóttir skrifar
Björgunarsveitir á Suðurlandi hafa verið kallaðar á vettvang, sem og björgunarskipið Þór auk lögreglu.
Björgunarsveitir á Suðurlandi hafa verið kallaðar á vettvang, sem og björgunarskipið Þór auk lögreglu. Vísir/Friðrik Þór

Þýsk kona á fimmtugsaldri sem leitað var að í Kirkjufjöru við Dyrhólaey í dag er fundin. Hún fannst vestast í Reynisfjöru. Ekki hafa fengist upplýsingar um líðan hennar en hún er á leið á Landspítalann með þyrlu Landhelgisgæslunnar.

Allt tiltækt lið lögreglu og björgunarsveita á Suðurlandi, auk þyrlunnar og björgunarskipsins Þórs, var kallað út um klukkan 13 í dag eftir að tilkynnt var um að konan hefði farið í sjóinn. Mikið brim var í fjörunni og voru aðstæður til leitarinnar því erfiðar.

Konan, sem er 47 ára, var með eiginmanni sínum og tveimur börnum en þau munu öll hafa fallið í sjóinn. Eiginmaðurinn og börnin komust sjálf upp úr og eru óslösuð en verið er að flytja þau með sjúkrabíl á Landspítalann.

Fréttin var uppfærð klukkan 14.20.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.