Viðskipti innlent

Röð langt út úr Kringlunni vegna vegghillna í Söstrene Grene

Hulda Hólmkelsdóttir skrifar
Eins og sjá má vonuðust margir til að næla sér í hillurnar sívinsælu
Eins og sjá má vonuðust margir til að næla sér í hillurnar sívinsælu Vísir
Röð hafði myndast fyrir utan verslun Söstrene Grene í Kringlunni í morgun og náði röðin langt út úr Kringlunni þar sem viðskiptavinir vonuðust eftir að kaupa vegghillur sem hafa notið mikilla vinsælda. Ný sending af hillunum var að koma í sölu í morgun.

Vörulínur Söstrene Grene hafa notið mikilla vinsælda og eru svona uppákomur nánast orðnar að venju þegar nýjar vörur koma í sölu.

Sjá einnig: Lá við slagsmálum vegna nýrra vegghilla í Söstrene Grene

Hér má sjá hillurnar sem gera allt vitlaust.
Vísir greindi frá því í september síðastliðnum að legið hefði við slagsmálum í Kringlunni þegar viðskiptavinir reyndu að næla sér í hillurnar vinsælu. 

Þá varð allt vitlaust fyrir tveimur árum þegar sófaborð voru sett í sölu.

Nú mun Söstrene Grene reyna að forðast það og nýtast við skömmtunarkerfi og aðeins tvær hillur verða á mann.


Tengdar fréttir






Fleiri fréttir

Sjá meira


×