Sport

Kærastan er augljóslega í buxunum í sambandinu

Henry Birgir Gunnarsson skrifar
Cruz ver beltið sitt um næstu helgi.
Cruz ver beltið sitt um næstu helgi. vísir/getty

Orðastríð þeirra Dominick Cruz og Cody Garbrandt í aðdraganda bardaga þeirra um næstu helgi er orðið ansi persónulegt.

Þá mun Cruz reyna að verja bantamvigtarbeltið sitt gegn Garbrandt en flestir búast við rosalegum bardaga á milli þeirra.

Í aðdraganda bardagans er búið að rifja upp er unnusta Garbrandt setti mynd á Instagram í nóvember af Cruz er hann tapaði sínum eina bardaga á ferlinum.

Cruz svaraði henni þá og varaði hana við því að blanda sér í málefni stóru strákanna.

„Ég hef ekkert á móti henni eða konum almennt. Ég er sjálfur algjör mömmustrákur. Ég bað hana bara kurteislega um að halda sig frá þessu og hugsa frekar um leikfangið sitt,“ sagði Cruz.

„Ég veit ekki hvernig samband þeirra er en það er hans hlutverk að halda henni fyrir utan þetta. Augljóslega er það samt hún sem er í buxunum í þessu sambandi. Hann er bara aumur strákur sama hvað hann reynir að rífa kjaft. Hún þarf því að fara og rífa kjaft fyrir hann. Það er óþarfi því þetta er á milli mín og Cody.“

Bardagakvöldið um næstu helgi verður í beinni á Stöð 2 Sport.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira