Stóra fólkið Bjarni Karlsson skrifar 28. desember 2016 07:00 Er það ekki með þig eins og mig þegar jólin koma að vissar persónur líkt og fljóta upp í meðvitundina? Rétt eins og allt fólk velur sér minningar til að lyfta fram og halda í þannig veljum við okkur líka persónur sem við gefum heiðurssess í sál okkar og við vissar aðstæður leiðum við að þeim hugann. Þetta er stóra fólkið í lífinu þínu sem þú hugsar til í sigrum og sorgum, á björtustu og dimmustu stundum lífsins. Við sjáum þau best með lokuð augun. Við horfum á þau með innri sjóninni, heyrum raddir þeirra inni í okkur og látum nærveru þeirra styrkja okkur og hressa, jafnvel þótt þau kunni að vera farin héðan úr heimi. Gæti hugsast að það gilti hjá þér eins og mér að stóra fólkið er ekki endilega persónur sem umhverfið hefur hampað eða gert mikið með? Gæti hugsast að stóra fólkið þitt hafi öðlast sinn sess vegna þess að einhvern tímann þegar þú þurftir á því að halda átti það augu til að greina þörf þína og vilja til þess að uppfylla hana? Með því að vera vitni að aðstæðum þínum og virða þarfir þínar eignuðust þau stað í hjarta þínu. Verk þeirra gáfu í skyn að það væri elskuvert að vera þú. Þannig uppskáru þau þakklæti þitt og trúnað. Ég skil jólin á þessum nótum. Í mínum huga eru þau samstöðuyfirlýsing með okkar berskjaldaða lífi. Lífið er gott eins og það kemur af skepnunni segja jólin, mannleg lífsbarátta er virðingarverð og það er elskulegt að vera þú. Betlehemfrásögnin er kankvís þekking hugvitsamlega varðveitt í langtímaminni mannkyns. Og samtalið sem ég og milljónir manna um allan heim iðka við þann sem þar fæddist varðar hinn þakkláta efa: Skyldi vera í lagi að vera ég? Þessi grein birtist fyrst í Fréttablaðinu. Viltu birta grein á Vísi? Sendu okkur póst. Senda grein Bjarni Karlsson Mest lesið Áttu efnaða foreldra eða ekki? Thelma Lind Jóhannsdóttir Skoðun Grunnskóli á krossgötum Álfhildur Leifsdóttir,Hólmfríður Árnadóttir,Þóra Geirlaug Bjartmarsdóttir Skoðun Öryggisógnir í breyttum heimi Jóhann Friðrik Friðriksson Skoðun Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun Konur sem eiga ekki að eignast börn Diljá Mist Einarsdóttir Skoðun Kennarar – á hraðbraut í kulnun Rakel Linda Kristjánsdóttir Skoðun Framtíð Dalanna heillar Garðar Freyr Vilhjálmsson Skoðun Höfnum óeðlilegri hagnýtingu sjálfboðaliða Ástþór Jón Ragnheiðarson Skoðun Af hverju eru kaupin á TM ekki á dagskrá aðalfundar Landsbankans? Ásthildur Lóa Þórsdóttir Skoðun Mengun á við 1,7 milljón manns í boði SFS Jón Kaldal Skoðun
Er það ekki með þig eins og mig þegar jólin koma að vissar persónur líkt og fljóta upp í meðvitundina? Rétt eins og allt fólk velur sér minningar til að lyfta fram og halda í þannig veljum við okkur líka persónur sem við gefum heiðurssess í sál okkar og við vissar aðstæður leiðum við að þeim hugann. Þetta er stóra fólkið í lífinu þínu sem þú hugsar til í sigrum og sorgum, á björtustu og dimmustu stundum lífsins. Við sjáum þau best með lokuð augun. Við horfum á þau með innri sjóninni, heyrum raddir þeirra inni í okkur og látum nærveru þeirra styrkja okkur og hressa, jafnvel þótt þau kunni að vera farin héðan úr heimi. Gæti hugsast að það gilti hjá þér eins og mér að stóra fólkið er ekki endilega persónur sem umhverfið hefur hampað eða gert mikið með? Gæti hugsast að stóra fólkið þitt hafi öðlast sinn sess vegna þess að einhvern tímann þegar þú þurftir á því að halda átti það augu til að greina þörf þína og vilja til þess að uppfylla hana? Með því að vera vitni að aðstæðum þínum og virða þarfir þínar eignuðust þau stað í hjarta þínu. Verk þeirra gáfu í skyn að það væri elskuvert að vera þú. Þannig uppskáru þau þakklæti þitt og trúnað. Ég skil jólin á þessum nótum. Í mínum huga eru þau samstöðuyfirlýsing með okkar berskjaldaða lífi. Lífið er gott eins og það kemur af skepnunni segja jólin, mannleg lífsbarátta er virðingarverð og það er elskulegt að vera þú. Betlehemfrásögnin er kankvís þekking hugvitsamlega varðveitt í langtímaminni mannkyns. Og samtalið sem ég og milljónir manna um allan heim iðka við þann sem þar fæddist varðar hinn þakkláta efa: Skyldi vera í lagi að vera ég? Þessi grein birtist fyrst í Fréttablaðinu.
Grunnskóli á krossgötum Álfhildur Leifsdóttir,Hólmfríður Árnadóttir,Þóra Geirlaug Bjartmarsdóttir Skoðun
Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun
Grunnskóli á krossgötum Álfhildur Leifsdóttir,Hólmfríður Árnadóttir,Þóra Geirlaug Bjartmarsdóttir Skoðun
Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun