Sport

Bjarki Þór berst í London í kvöld

Pétur Marinó Jónsson skrifar
Bjarki Þór Pálsson.
Bjarki Þór Pálsson. Sóllilja Baltasardóttir

Mjölnismaðurinn Bjarki Þór Pálsson berst sinn annan atvinnubardaga í MMA í kvöld. Bjarki berst á FightStar 8 bardagakvöldinu í London.

Bjarki Þór mætir Englendingi að nafni Alan Proctor en þetta verður fyrsti atvinnubardagi hans. Bardaginn fer fram í veltivigt og verður þriðji síðasti bardagi kvöldsins.

Bjarki Þór barðist síðast í júlí þar sem hann valtaði yfir andstæðinginn á aðeins 23 sekúndum. Það var hans fyrsti atvinnubardagi en áður hafði hann orðið Evrópumeistari áhugamanna í MMA.

Síðustu tvær vikur hefur Bjarki æft hjá SBG bardagaklúbbnum í Dublin undir handleiðslu John Kavanagh, yfirþjálfara Gunnars Nelson og Conor McGregor. Bjarki tók bardagann með tveggja vikna fyrirvara en hann var ólmur í að ná einum bardaga í viðbót áður en árið er úti og stökk því á tækifærið.

Bardaganum verður streymt í beinni á Facebook síðu Bjarka Þórs en talið er að bardagi hans byrji kl 20-21 í kvöld.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira