Sport

Ragnheiður Sara hafði sigur í Dúbaí

Ingvi Þór Sæmundsson skrifar
Ragnheiður Sara Sigmundsdóttir hefur tvisvar hafnað í 3. sæti á heimsleikunum í crossfit.
Ragnheiður Sara Sigmundsdóttir hefur tvisvar hafnað í 3. sæti á heimsleikunum í crossfit. Vísir/Daníel

Ragnheiður Sara Sigmundsdóttir varð hlutskörpust á sterku crossfit- og fitnessmóti í Dúbaí, Dubai Fitness Championship, í dag.

Ragnheiður Sara náði forystunni strax á fyrsta degi og hélt henni út mótið. Hún fékk alls 1266 stig, 45 stigum meira en Samantha Briggs sem varð önnur.

Annie Mist Þórisdóttir hafnaði í 3. sæti en þessi fyrrum tvöfaldi heimsmeistari í crossfit fékk 1178 stig. Hún hækkaði sig um eitt sæti í lokagreininni.

Þuríður Erla Helgadóttir lenti í 11. sæti og Eik Gylfadóttir í því tólfta. Þær fóru báðar upp um nokkur sæti í lokagrein mótsins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira