Innlent

Greiddu fyrir mat með fölsuðum seðlum

Atli Ísleifsson skrifar
Lögreglan beinir þeim tilmælum til afgreiðslufólks að vera á varðbergi vegna falsaðra seðla í umferð.
Lögreglan beinir þeim tilmælum til afgreiðslufólks að vera á varðbergi vegna falsaðra seðla í umferð. Vísir/valli

Lögreglan á höfuðborgarsvæðinu rannsakar nú mál þar sem falsaðir 10.000 króna seðlar voru notaðir til að greiða fyrir veitingar á matsölustað í miðborginni í síðustu viku.

Í tilkynningu frá lögreglunni segir að fyrr í mánuðinum hafi komið upp annað slíkt mál en þar var maður handtekinn eftir að hafa ætlað að greiða fyrir viðskipti á bensínstöð í austurborginni með fölsuðum 10.000 króna seðli. Þar leiddi árverkni starfsmanns til handtökunnar.

„Lögreglan beinir þeim tilmælum til afgreiðslufólks að vera á varðbergi vegna þessa og hvetur jafnframt til þess að þeir sem eru í afgreiðslustörfum kynni sér helstu öryggisþætti íslenskra peningaseðla á heimasíðu Seðlabanka Íslands, en með þær upplýsingar að leiðarljósi á að vera auðvelt að greina á milli falsaðra og ófalsaðra peningaseðla. Ef fólk verður vart við falsaðan seðil skal kalla til lögreglu í gegnum 112,“ segir í tilkynningunni.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.