Sport

Það vantar alla auðmýkt í Rondu

Henry Birgir Gunnarsson skrifar
Cyborg er hrikalega öflug.
Cyborg er hrikalega öflug. vísir/getty
Cris „Cyborg“ Justino heldur áfram að reyna að lokka Rondu Rousey inn í búrið til sín.

Rætt hefur verið um bardaga á milli þeirra síðan 2012 er þær voru meistarar í sitt hvorum flokkum hjá Strikeforce.

Í millitíðinni fór Ronda í UFC og varð stærsta stjarnan í UFC. Hún hefur ekki keppt í heilt ár en mun um áramótin reyna að vinna bantamvigtar-beltið af Amöndu Nunes.

Cyborg hefur ítrekað kallað á Rondu að koma og berjast við sig og skilur ekki af hverju Ronda er að fá titilbardaga núna.

„Hún fór í eins árs frí. Hún á ekki að fá titilbardaga eftir svona langt frí. Hún hefði átt að keppa aftur við Holly Holm eða einhverja aðra,“ sagði Cyborg og bætti við. „Ég held það vanti alla auðmýkt í hana og þess vegna taki hún ekki annað í mál en að fá titilbardaga.“

Dana White, forseti UFC, sagði á dögunum að Ronda væri meira en til í að slást við Cyborg. Sú brasilíska er ekki að kaupa það.

„Það skiptir engu máli hvernig bardaginn. Hún mun ekki berjast við mig í kjölfarið. Ég veit það. Hún er ekkert fyrir alvöru áskoranir. Ef hún tapar þá mun hún hætta. Ef hún vinnur mun hún segja sama kjaftæðið og venjulega. Hún er alltaf á flótta undan mér. Hún ræður ekki við höggin mín og er ekki nógu sterk andlega.“

MMA

Tengdar fréttir

Ronda vill berjast við Cyborg

UFC-aðdáendur hafa í dágóðan tíma haft mikinn áhuga á því að sjá ofurbardaga á milli Rondu Rousey og Cris Cyborg.

Cyborg dreymir enn um Rondu

Bardagakonan Cris Cyborg viðurkennir að hún muni líklega ekki getað létt sig aftur niður í bantamvigt en vill samt fá að berjast við Rondu Rousey.




Fleiri fréttir

Sjá meira


×