Viðskipti innlent

Bjórinn frá Borg lagði tvö þúsund

Jóhann Óli Eiðsson skrifar
Sturlaugur Jón Björnsson með verðlaunagripina en auk Surts hlaut Gréta nr. 27 einnig verðlaun.
Sturlaugur Jón Björnsson með verðlaunagripina en auk Surts hlaut Gréta nr. 27 einnig verðlaun. MYND/EUROPEAN BEER STAR
Surtur nr. 30 hlaut á dögunum gullverðlaun í flokki reyktra bjóra í hinni alþjóðlegu European Beer Star. Ríflega tvö þúsund bjórar frá 44 löndum tóku þátt í hinum ýmsu flokkum á hátíðinni. Sigurinn er áhugaverður í ljósi þess að hingað til hafa þýskir bjórar nær einokað flokkinn fyrir reykta bjóra.

Surtur, sem er taðreyktur, var sagður einstakur á heimsvísu og tefla fram íslenskri arfleifð á skemmtilegan hátt.

„Framan af þótti fólki þetta helst til framandi sem bragð- og lyktareinkenni í bjór held ég, en með frekari þróun á brugguninni og kannski vaxandi áhuga fólks fyrir öðruvísi bjórum er þetta orðið eftirsótt,“ segir Sturlaugur Jón Björnsson, bruggmeistari hjá Borg.

Fréttin birtist fyrst í Fréttablaðinu.






Fleiri fréttir

Sjá meira


×