Bílar

Dísilvélasvindl Volkswagen kostar 1.875 milljarða í Bandaríkjunum

Finnur Thorlacius skrifar
Það eru ekki litlir peningar sem dísilvélasvindl Volkswagen mun kosta fyrirtækið í Bandaríkjunum.
Það eru ekki litlir peningar sem dísilvélasvindl Volkswagen mun kosta fyrirtækið í Bandaríkjunum.

Nú er kostnaður sá sem fellur á Volkswagen í Bandaríkjunum að koma í ljós vegna dísilvélasvindls þess. Svindlið vestanhafs varðar 475.000 bíla og þarf Volkswagen að bjóða eigendum þeirra að kaupa þá til baka. Kostnaður sem af því hlýst, auk sekta sem Volkswagen þarf að standa straum af nema stórvægilegri upphæð, eða 1.875 milljörðum króna.

Heildarfjöldi þeirra bíla sem dísilvélasvindlið á við um allan heim er um 11 milljónir og því er hér aðeins um að ræða innan við 5% þeirra. Þó er ljóst að kostnaður Volkswagen vegna þeirra er lang mestur í Bandaríkjunum. Eigendur bílanna í Evrópu eru ekki sáttir við að þeim standi ekki sama sáttargjörð til boða og eigenda bílanna í Bandaríkjunum.

Hver bíleigandi í Bandaríkjunum mun fá á bilinu 640.000 til 1.250.000 krónur í skaðabætur ef þeir ekki selja bíl sinn til Volkswagen aftur. Mismunurinn skýrist af mismunandi bílgerðum og stærð þeirra. Ef að margir af eigendum Vokswagen bílanna samþykkja bótagreiðslurnar frá Volkswagen og fyrirtækið þarf ekki að kaupa nema hluta þeirra til baka, mun kostnaður Volkswagen lækka mikið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.