Englandsmeisturunum fagnað eins og þjóðhetjum við komuna til Bangkok | Myndir

Nýkrýndir Englandsmeistarar Leicester City fengu höfðinglegar móttökur við komuna til Bangkok, höfuðborgar Tælands, í dag.

Eigandi Leicester, Vichai Srivaddhanaprabha, er tælenskur og hann skipulagði ferð fyrir meistarana til heimalands síns.

Claudio Ranieri og leikmönnum Leicester var fagnað eins og þjóðhetjum þegar þeir lentu á Suvarnabhumi flugvellinum í Bangkok og þeir virtust hinir ánægðustu með móttökurnar.

Sjá einnig: Sjáðu Bensinn sem allir leikmenn Leicester fá frá eigandanum

Leicester er eitt vinsælasta liðið í Tælandi og í dag er nær ómögulegt að kaupa treyju liðsins því þær eru nær allar uppseldar.

Hér að neðan má sjá nokkrar myndir frá móttökunum sem Leicester-menn fengu við komuna til Bangkok.