Viðskipti innlent

Til skoðunar að setja upp stormskýli víða um heim

Tryggvi Páll Tryggvason skrifar
Nýlega er búið að setja fyrsta stormskýlið upp.
Nýlega er búið að setja fyrsta stormskýlið upp.

Til skoðunar er að setja upp svokölluð stormskýli víða um heim. Fyrsta skýlið sinnar tegundar var tekið í gagnið í síðasta mánuði og eru erlend fyrirtæki áhugasöm um að kynna sér kosti þess.

Stormskýlið er í raun háþróað strætóskýli knúið vindtúrbínum sem framleiða rafmagn og sjá skýlinu fyrir lýsingu, þráðlausu neti, snjalltækjahleðslu og fjarstýrðum auglýsingaskjá.

Sjá einnig: Stormskýlið tekið í notkun

Stormskýlið er þróað og hannað af Icewind, íslensku sprotafyrirtæki, sem sérhæfir sig í gerð vindtúrbína. Stormskýlið var sett upp í samstarfi við Reykjavíkurborg og AFA JCDecaux sem er alþjóðlegt fyrirtæki sem sérhæfir sig í borgargögnum og rekstri þeirra, þar með talið strætóskýlum.

Sest niður í september
Í samtali við Vísi segir Þór Bachmann, einn af stofnendum Icewind, að til skoðunar sé að setja upp slík skýli víða um heim.

„Þetta verkefni er tilraunaverkefni í sex mánuði og er í raun frumgerð fyrir borgarlausnir sem nýta græna orku,“ segir Þór. „Í september munum við setjast niður með AFA JCDecaux sem er að fylgjast með þessu að utan. Þeir sem stjórna Skandinavíu fyrir AFA komu hingað til lands og skoðuðu þetta.“

Sjá einnig: Bandarískur ferðamaður fjárfesti fyrir tugi milljóna í íslensku fyrirtæki

Þór segir að fyrirtækið sé áhugasamt um að færa sig í auknum mæli yfir í grænar lausnir og að stormskýlið sé möguleg lausn fyrir strætóskýli.

„Þeir eru með skýli í yfir þrjú þúsund borgum og eru að fylgjast með þessu. Ef allt gengur vel þá vilja þeir setjast niður og skoða hvort þeir geti ekki gert eitthvað grænt við fleiri skýli í fleiri löndum,“ segir Þór.

Ein af túrbínunum sem IceWind þróar.

Áhugasamt um grænar borgarlausnir
Þetta staðfestir Einar Hermannson, framkvæmdastjóri AFA JCDecaux á Íslandi.

„Við ætlum að sjá hvernig þetta verkefni þróast en við erum að fá fyrirspurnir að utan, frá höfuðstöðvunum í Frakklandi um þetta verkefni,“ segir Einar.

Einar segir að frá höfuðstöðvunum hafi komið fyrirspurnir um kostnað við að setja skýlið upp og hvað túrbínúrnar framleiði mikið rafmagn en kröfur um að fyrirtækið bjóði upp á umhverfisvænar lausnir aukist í sífellu.

Sjá einnig: Stormskýlið slær í gegn á Karolina Fund

„Rafmagnskostnaður er töluvert hár víðast hvar um heiminn þannig að þessi skýli gætu verið eitthvað sem hentar vel,“ segir Einar. „Þú færð þetta ekki grænna og í þessu nútímasamfélagi út um alla Evrópu er mikil krafa um svipaðar lausnir.“

AFA JCDecaux er mjög umfangsmikið fyrirtæki hvað varðar borgarlausnir á borð við strætóskýli og segir Einar að fyrirtækið reki yfir milljón skýli víðsvegar um heiminn sem flest séu tengd við rafmagn.

Það er því ljóst að til mikils væri að vinna ef hægt væri að nýta sér umhverfisvænar lausnir á borð við þær sem Icewind býður upp á. Bæði Einar og Þór leggja þó áherslu á að verkefnið sé tilraunaverkefni og ekkert sé í hendi ennþá.

„Þetta er tilraunaverkefni sem mallar í sumar og þegar því er lokið sjáum við hvað við getum boðið þeim,“ segir Þór.

Kynningarmyndband vegna verkefnisins má sjá hér að neðan.

IceWind's Storm Shelter

Check out the video we shot that gives you the core facts about the IceWind's Storm Shelter and its turbines

Posted by IceWind on Friday, 18 March 2016


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ARION
2,03
5
20.272
HEIMA
0,91
3
35.792
SKEL
0
2
219
SIMINN
0
1
503
MARL
0
2
61.880

Mesta lækkun dagsins


Félag
Br.%
Fjöldi
Velta*
ICEAIR
-0,58
7
22.145
ORIGO
-0,22
1
784
SJOVA
-0,07
1
1.420
SKEL
0
2
219
SIMINN
0
1
503
Velkomin á Vísi. Þessi vefur notar vafrakökur. Sjá nánar.