Lífið

Kim og Kanye eru komin

Bjarki Ármannsson skrifar
Kanye, dóttirin North og Kim.
Kanye, dóttirin North og Kim. Vísir/Getty
Stjörnuparið Kim Kardashian og Kanye West er komið til landsins í þeim erindagjörðum að taka upp tónlistarmyndband við eitt laganna á nýrri plötu West. Skötuhjúin lentu á Keflavíkurflugvelli í morgun.

Kourtney Kardashian setti inn mynd á Snapchat í morgun af sér í myndarlegum fjallajeppa.
Þau Kim og Kanye eru óum­deilan­lega einir frægustu einstaklingar og hjón heims. Þau gengu í það heilaga árið 2014 og eiga tvö börn saman. Dótturina North West sem fædd er árið 2013 og soninn Saint West sem fæddist í desember á síðasta ári.

Greint var frá því fyrir nokkrum vikum að þau væru væntanleg til landsins en upphaflega þurfti að fresta ferð þeirra vegna veðurs.

Kourtney, ein systra Kim, er með í för og setti inn mynd á Snapchat í morgun af sér í myndarlegum fjallajeppa. Kourtney þekkja allir þeir sem fylgst hafa með raunveruleikaþáttunum vinsælu Keeping up with the Kardashians.

Samkvæmt heimildum Vísis verður myndband West tekið upp á landsbyggðinni.

Íslendingar hafa margir sagt frá því á samfélagsmiðlum í morgun að þeir hafi rekist á stjörnuparið við komuna til landsins.






Fleiri fréttir

Sjá meira


×