Körfubolti

Valencia missteig stig gegn fallbaráttuliði

Anton Ingi Leifsson skrifar
Jón Arnór í leik með íslenska landsliðinu, en hann er á mála hjá Valencia.
Jón Arnór í leik með íslenska landsliðinu, en hann er á mála hjá Valencia. vísir/valli

Jón Arnar Stefánsson og félagar í Valencia misstigu sig hrikalega í spænsku úrvalsdeildinni í körfubolta í dag þegar þeir töpuðu fyrir næst neðsta liði deildarinnar, Estudiantes, á heimavelli, 68-62.

Estudiantes byrjaði af miklum krafti og var sjö stigum yfir eftir fyrsta leikhlutann, en þá tóku heimamenn í Valencia við sér og jöfnuðu fyrir hlé, 37-37.

Gestirnir í Esudiantes byrjuðu síðari hálfleikinn vel og unnu þriðja leikhlutann með sex stigum og dramatíkin var mikil á lokamínútum leiksins.

Þegar tvær mínútur voru eftir minnkuðu heimamenn muninn í eitt stig, 61-62. Nær komust þeir ekki og botnbaráttuliðið með frábæran sigur, 68-62.

Jón Arnór skoraði sex stig á þeim tæpum nítján mínútum sem hann spilaði, en einnig gaf hann eina stoðsendingu fyrir Valencia sem heldur öðru sætinu í kjölfar tap Real Madrid gegn Iberostar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira