Enski boltinn

Mbokani rétt lifði af sprengingarnar í Brussel: Hefði hann mætt einni mínútu fyrr væri hann ekki á lífi

Stefán Árni Pálsson skrifar

Dieumerci Mbokani, framherji Norwich City, segir að það hafi verið kraftaverki líkast að hann hafi lifað af tvær sprengingar á Zaventam flugvellinum í Brussel á þriðjudaginn.

Minnst 34 eru látnir í tveimur hryðjuverkaárásum í Brussel á þriðjudaginn og á annað hundrað eru særðir.

Mbokani segir að það hafi aðeins munað um einni mínútu til eða frá og hann væri ekki á lífi.

„Þegar sprengingin varð var ég á gangstéttinni fyrir utan flugvöllinn,“ segir Mbokani.

„Ef ég hefði verið einni mínútu fyrr á svæðinu, þá væri ég ekki á lífi. Þetta er allt eiginkonu minni að þakka,“ segir hann en hún vildi bíða í smá stund eftir frænda hans sem var á leiðinni í saman flug.

„Ég sat fyrir utan völlinn þegar sprengingin varð og hljóp um leið til eiginkonu minnar. Við hlupum síðan saman út á bílastæði.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira