Innlent

Slökkviliðið kallað út vegna tveggja bruna í Iðufelli

Jóhann Óli Eiðsson skrifar
Á báðum stöðum var kveikt í anddyri húsanna.
Á báðum stöðum var kveikt í anddyri húsanna. vísir/vilhelm

Allt tiltækt slökkvilið hefur verið kallað út vegna tveggja bruna í Iðufelli. Í báðum tilvikum var kveikt í andyri húsanna en þau eru númer fjögur og tíu.

Samkvæmt upplýsingum frá slökkviliði er einn dælubíll mættur á staðinn og fleiri á leiðinni. Sjónarvottur segir að vel hafi logað í póstkössum og inngangi annars hússins. Ekki er vitað hvort brunarnir tengist.

Uppfært 14.23 Búið er að ráða niðurlögum eldsins á báðum stöðum og er unnið að reykræstingu. Talsverður reykur er á stigagöngum húsanna en íbúar eru flestir inni í sínum íbúðum. 

Ekki eru taldar neinar líkur á öðru en að um íkveikju hafi verið að ræða á báðum stöðum en eldarnir kviknuðu með um mínútu millibili. Lögregla fer með rannsókn þess máls.

Vilhelm Gunnarsson, ljósmyndari Fréttablaðsins og Vísis, var á vettvangi og náði meðfylgjandi myndum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira