Fótbolti

Bakslag í undirbúningi Portúgals fyrir EM

Eiríkur Stefán Ásgeirsson skrifar
Vísir

Cristiano Ronaldo náði ekki að koma í veg fyrir 1-0 tap Portúgals í vináttulandsleik gegn Búlgaríu á heimavelli í kvöld.

Marcelinho skoraði eina mark leiksins í fyrri hálfleik. Hann fékk sendingu inn í teig, sneri á Pepe og skoraði með góðu skoti.

Ronaldo hefði átt að jafna metin fyrir Portúgal í síðari hálfleik en Vladislav Stoyanov varði vítaspyrnu frá honum.

Portúgal var þó meira með boltann og fékk fleiri færi til að skora í leiknum en allt kom fyrir ekki.

Ísland og Portúgal eru saman í riðli á EM í Frakklandi og eigast við í fyrstu umferð riðlakeppninnar í St. Etienne þann 14. júní.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira