Erlent

Tala látinna hækkar eftir sjálfsmorðsprengjuárásina í Pakistan

Tryggvi Páll Tryggvason skrifar
Fórnarlömbin eru að mestu konur og börn.
Fórnarlömbin eru að mestu konur og börn. Vísir/AFP

Minnst 69 eru látnir og 280 særðir eftir sjálfsmorðsprengjuárás í garði í borginni Lahore í Pakistan. Pakistanskir talibanar hafa lýst yfir ábyrgð á árásinni og segja að henni hafi verið beint að kristnu fólki.

Fjölmennt var í garðinum vegna páskahátíðarinnar. Árásin var gerð á bílastæði við garðinn í þann mund sem margir voru á leið heim. Bílastæðið er rétt við leiksvæði barna en fórnarlömb árásinnar eru að mestu konur og börn.

Pakistanskir talibanar í hópi sem nefnist Jaamat-ul-Ahrar lýstu yfir ábyrgð á árásunum. Talsmaður samtakanna sagði að árásin væri skilaboð til Nawaz Sharif forsætisráðherra Pakistan um að samtökin væru komin til að vera í Lahore, einni fjölmennustu borg Pakistan.

Þriggja daga sorg hefur verið lýst yfir í Punjab-héraði. Talsmaður héraðsstjórnarinnar segir að gæslulið hafi verið á staðnum þegar árásin var gerð en ekki hafi borist nein viðvörun um að árás væri í vændum.

Margir hinna slösuðu eru taldir vera alvarlega særðir og óttast er að tala látina muni hækka enn frekar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira