Innlent

Rafmagnslaust í Fossvogi

Tryggvi Páll Tryggvason skrifar
Um bilun er að ræða en ekki liggur fyrir hvenær rafmagn kemst á að nýju.
Um bilun er að ræða en ekki liggur fyrir hvenær rafmagn kemst á að nýju. Vísir/Vilhelm

Rafmagn fór af Fossvoginum fyrr í kvöld. Á heimasíðu Veitna kemur fram að um bilun sé að ræða. Líklegt er talið að háspennustrengur í jörðu hafi gefið sig og er unnið að því að leita að biluninni. Ekki verður hægt að koma rafmagni á fyrr en að bilunin finnst en um leið og það gerist ætti ekki að taka langan tíma að koma rafmagni á.

Er fólki bent á að slökkva á þeim rafmagnstækjum, sem ekki slökkva á sér sjálf og geta valdið tjóni þegar rafmagn kemur á að nýju.

Það á sérstaklega við um eldavélar, mínútugrill og fleiri hitunartæki. Eins er fólki ráðlagt að slökkva á viðkvæmum tækjum á borð við sjónvörp.

Fólki er einnig ráðlagt að hafa kæli- og frystiskápa ekki opna lengur en þörf krefur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira