Innlent

Landlæknir telur fjölmiðla reka áróður fyrir áfengisfrumvarpinu

Jakob Bjarnar skrifar
Innan Landlæknisembættisins er litið svo á að fjölmiðlar séu með Vilhjálmi Árnasyni í liði þegar áfengisfrumvarpið er annars vegar.
Innan Landlæknisembættisins er litið svo á að fjölmiðlar séu með Vilhjálmi Árnasyni í liði þegar áfengisfrumvarpið er annars vegar.

Rafn M. Jónsson, verkefnisstjóri áfengis- og vímuvarna hjá Embætti landlæknis, fullyrðir að einhliða áherslur og persónulegar skoðanir einkenni umræðuna um áfengisfrumvarpið. Og: Fylgjendur þess hafi greiðari aðgang að fjölmiðlum en „andstæðingarnir“.

Þetta kom fram á fundi sem haldinn var í Norræna húsinu um ábyrgð fjölmiðla og er greint frá þessu í frétt sem Sigrún Stefánsdóttir skrifar um fundinn undir fyrirsögninni „það er ekki bara einn sökudólgur“. Fundurinn var á vegum málstofu Norrænu velferðarmiðstöðvarinnar.

Samkvæmt fréttinni viðist eitthvað verulega mikið bogið við fréttaflutninginn, og þá augljóslega af þessu máli því niðurstaða fundarins var sú að allir, „bæði yfirvöld, sérfræðingar í lýðheilsumálum og fjölmiðlar þyrftu að taka sig á og að slagsíða hafi myndast í umræðunni um sölu áfengis í matvöruverslunum.“

Svo vitnað sé beint í frétt Sigrúnar þá fullyrti Rafn að „almenningur í landinu hafi í raun enga hugmynd um afleiðingar þess að opna fyrir sölu á áfengi í matvöruverslunum, en um gríðarlega breytingu sé að ræða.  Verði frumvarpið að lögum geta matvöruverslanir haft vín og bjór hvar sem er í versluninni og það eina sem verði afgirt og undir eftirlitsmyndavélum séu sterkir drykkir.  Hann kvartaði yfir því að tala fyrir daufum eyrum þar sem fjölmiðlar væru annars vegar.“



Fleiri fréttir

Sjá meira