Íslenski boltinn

Stórkostlegt hjólhestaspyrnumark hjá Höskuldi

Henry Birgir Gunnarson skrifar

Nú stendur yfir leikur Breiðabliks og Víkings frá Ólafsvík í Lengjubikarnum.

Blikinn Höskuldur Gunnlaugsson skoraði gjörsamlega geggjað mark snemma í leiknum og kom Blikum yfir. Hjólhestaspyrna í slána og inn. Sturlað mark.

Leik liðanna lyktaði síðan með 2-2 jafntefli. Blikar leiddu 2-0 í hálfleik þökk sé markinu frá Höskuldi og svo marki frá Atla Sigurjónssyni.

Víkingarnir frá Ólafsvík gáfust ekki upp. Bitu í skjaldarrendur og mættu helgrimmir í seinni hálfleikinn.

Kenan Turudija minnkaði muninn strax í upphafi seinni hálfleiks og Hrvoje Tokiv jafnaði svo metin nokkrum mínútum síðar. Ekki meira var skorað og því skiptu liðin með sér stigunum.

Blikarnir komust upp að hlið Fylkis á toppi riðils 2 en Fylkir á leik inni. Víkingur er stigi þar á eftir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira