Fótbolti

Jón Daði og félagar töpuðu á móti einu af neðstu liðunum

Óskar Ófeigur Jónsson skrifar
Jón Daði Böðvarsson.
Jón Daði Böðvarsson. Vísir/Getty

Íslenski landsliðsmaðurinn Jón Daði Böðvarsson og félagar í þýska b-deildarliðinu Kaiserslautern töpuðu óvænt á heimavelli í kvöld á móti liði 1860 München.

1860 München er eitt af neðstu liðum deildarinnar en Kai Bülow tryggði gestunum sigurinn með því að skora eina mark leiksins strax á 18. mínútu.

Jón Daði Böðvarsson var í byrjunarliði Kaiserslautern eins og að undanförnu en þetta var fimmti leikur hans með þýska liðinu. Jón Daði kom til Kaiserslautern-liðsins um áramótin.

Stigasöfnunin í þessum fimm fyrstu leikjum Jóns Daða með Kaiserslautern hefur verið af skornum skammti en Kaiserslautern hefur aðeins náði í fimm stig af fimmtán mögulegum í þessum fimm leikjum sem Jón Daði hefur spilað.

Jón Daði hefur enn ekki náð að skora fyrir liðið og Kaiserslautern hefur ekki skorað mark í síðustu tveimur leikjum sínum sem hafa báðir tapast.

Það bendir því fátt til þess að Kaiserslautern nái að vinna sér sæti í þýsku A-deildinni í vor.

Jón Daði Böðvarsson og félagar gátu ekki leynt vonbrigðum sínum í leikslok. Vísir/Getty


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira