Körfubolti

Sjötti tapleikurinn í röð hjá Hlyni og félögum

Óskar Ófeigur Jónsson skrifar
Hlynur Bæringsson í leik með landsliðinu í Laugardalshöllinni.
Hlynur Bæringsson í leik með landsliðinu í Laugardalshöllinni. Vísir/Vilhelm

Það dugði ekki Sundsvall Dragons í kvöld að íslenski landsliðsmaðurinn Hlynur Bæringsson skilaði flottri tvennu því liðið tapaði með ellefu stigum á móti Uppsala Basket á heimavelli sínum.

Uppsala Basket vann leikinn 86-75 eftir að hafa unnið fjórða leikhlutann 19-8 þar sem ekkert gekk upp hjá heimamönnum í Sundsvall Dragons.

Hlynur Bæringsson var með 16 stig, 15 fráköst og 2 varin skot í kvöld en hann hitti úr 7 af 17 skotum sínum.

Sundsvall Dragons hefur nú tapað sex leikjum í röð og er nú komin niður í sjötta sæti deildarinnar. Uppsala Basket er nú aðeins tveimur stigum á eftir Drekunum.

Sundsvall Dragons hefur ekki unnið leik síðan 5. febrúar eða í að verða einn mánuð. Þetta var fyrsta tvenna Hlyns í taphrinunni en hann skoraði 22 stig í leiknum á undan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira