Erlent

Rolling Stones á leið til Kúbu

Bjarki Ármannsson skrifar
Rokksveitin sögufræga Rolling Stones tilkynnti í dag að hún hyggst halda ókeypis tónleika í Havana, höfuðborg Kúbu, síðar í mánuðinum.
Rokksveitin sögufræga Rolling Stones tilkynnti í dag að hún hyggst halda ókeypis tónleika í Havana, höfuðborg Kúbu, síðar í mánuðinum. Vísir/Getty

Rokksveitin sögufræga Rolling Stones tilkynnti í dag að hún hyggst halda ókeypis tónleika í Havana, höfuðborg Kúbu, síðar í mánuðinum. Þetta verða fyrstu stórtónleikar breskrar rokkhljómsveitar í sögu landsins. 

Mick Jagger og félagar í Rolling Stones eru um þessar mundir á tónleikaferðalagi um rómönsku Ameríku. Til stóð að síðustu tónleikarnir færu fram í Mexíkó þann sautjánda mars en tónleikarnir í Havana verða um viku síðar.

Vani tónlistarleikstjórinn Paul Dugdale mun sjá um að taka upp tónleika Stones en hann hefur áður unnið með hljómsveitum á borð við One Direction og Coldplay.​



Hljómsveitin mun stíga á stokk í höfuðborginni þremur dögum eftir sögulega heimsókn Barack Obama Bandaríkjaforseta til landsins en samskipti Bandaríkjanna og Kúbu hafa batnað til muna undanfarin misseri.

Tónleikarnir eru sömuleiðis liður í því að opna Kúbu gagnvart umheiminum en rokktónlist var litin hornauga í stjórnartíð kommúnistaleiðtogans Fidel Castro, sem komst til valda á sjötta áratug síðustu aldar.

Velska hljómsveitin Manic Street Preachers hefur til þessa verið stærsta breska rokkhljómsveitin sem haldið hefur tónleika á Kúbu en Castro sjálfur mætti á tónleika þeirra í Karl Marx leikhúsinu árið 2001.


Tengdar fréttir

Föngum fækkar í Guantanamo

Fjöldi fanga er kominn niður fyrir hundrað, í fyrsta sinn frá því að fangelsið opnaði árið 2002.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira